奢華度假必選！京都包棟式民宿「京の溫所 竹屋町」　木製風呂/私人庭園啱晒一家人入住～

去日本唔少人都會選擇溫泉旅館，但喺一般都係以套房形式，每間房可以住兩至三人左右，但原來喺京都最近又有一間新嘅以整棟式出租嘅民宿喇！「京の溫所 竹屋町」鄰近京都丸太町車站，一、二樓整棟包租入住，畀你同旅伴有足夠嘅私隱，啱晒小家庭或兩三個朋友入住，而且住宿費用亦算合理！

「京の溫所 竹屋町」係由日本內衣公司 Wacoal 創立嘅京都住宿「京の溫所」旅宿品牌，而今次開設嘅住宿「竹屋町」已經喺佢哋嘅第 8 間同類型酒店嚟。

Photo from 京の溫所 竹屋町

酒店係以全棟出租嘅京町家，屋內設有木製風呂、私人庭園以及廚房等，一應俱全。

「竹屋町」原身係一間擁有 130多年歷史嘅工具店改裝而成，外觀保留咗木造建築外觀、室內設計大量使用木造裝潢，展現出京都獨有嘅空間魅力。

Photo from 京の溫所 竹屋町

Photo from 京の溫所 竹屋町

Photo from 京の溫所 竹屋町

Photo from 京の溫所 竹屋町

酒店最多可同時容納 4 人，如以 4 人住嚟計，包棟費用為 34,320 円起/晚（約 $2,506 港元），平均每人則約 8,580円起/晚（約 $626 港元），價格亦算合理！

Photo from 京の溫所 竹屋町

另外，「竹屋町」仲有一個好特別嘅設施，就係喺地下入口位置併設咗一間人氣麵包店「BREAD,ESPRESSO &」所推出嘅新品牌「本日の」麵包店，為入住人士每日帶嚟當地最新鮮嘅美食，而對麵包店嘅工作有興趣嘅話仲可以參加佢哋嘅「職住一體」嘅體驗添！

Photo from 京の溫所 竹屋町

住客喺依度唔單止可以感受古都風情，仲可以體驗日本人前鋪後居嘅生活。

京の溫所 竹屋町
地址：京都府京都市中京区竹屋町通西洞院東入指物屋町371番地
入住時間：Check In ～16:00為止／Check Out ～11:00為止
交通方式：京都市營地下鐵「丸太町站」步行 6 分鐘

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）